Sala hafin á aukahlutum fyrir iPhone 5
Þessi mynd er sögð vera af nýja iPhone eða iPhone 5 eins og sumir kjósa að kalla hann.
Það er margt óljóst með nýjan iPhone sem reiknað er með að Apple kynni þann 12. september næstkomandi. Til dæmis er óljóst hvað tækið mun kallast og auðvitað hvernig útlit og innvols verður. Engu að síður er Spigen.com síðan byrjuð að selja skjávörn fyrir iPhone 5 (eins og þeir kalla hann) og ætlar að hefja sölu á fleiri tegundum af skjávörnum og fleiri aukahlutum á næstunni.
Við hjá Simon.is mælum ekkert sérstaklega með því að þið kaupið ykkur þessa aukahlut að svo stöddu. Allavega ekki fyrr en eftir kynninguna 12. september, sem við munum fjalla ítarlega um á Simon.is
Sjá nánar á vefsíðu Spiegen.
