Er Kindle Fire frá Amazon "iPad Killer"?
Við greindum frá því fyrir nokkrum vikum síðan að Amazon Kindle Fire spjaldtölvan væri væntanleg og nú er hún loksins komin í sölu. Verðið á Kindle Fire er $199 eða um 40.000 kr. komin hingað til lands með virðisaukaskatti. Tölvan keyrir á Android 2.3 stýrikerfi og skartar 7″ skjá.
Mynd: Amazon
Allar stærstu tækni- og fréttasíður vestanhafs hafa fjallað um gripinn og fær tölvan ágætis dóma hjá flestum þeirra. The Verge tala um að hönnunin sé ekki beint nýstárleg en virkni tölvunnar sé frábær miðað við þetta verð. New York Times tala um að þetta sé fyrsta alvöru spjaldtölvan sem getur veitt iPad 2 frá Apple almenninlega samkeppni hvað varðar verð. Engadget segja að verðið sé frábært og að tölvan framkvæmi allt sem hún þarf að gera en upplifunin við að nota hana sé ekki alltaf sú besta.
iPad 2 vinstra megin, Kindle Fire hægra megin - Mynd: Engadget
Þannig að flestir tala um hvað verðið sé gott og að tölvan geri nákvæmlega það sem fólk ætlast til af henni. En að allra kröfuhörðustu notendur (powerusers) gætu orðið svekktir ef þeir búast við því að þetta sé næsti iPad. Amazon Kindle Fire er því frábær sem spjaldtölva ef hún er bara notuð til að lesa tölvupóst, vafra á netinu, lesa bækur og horfa á myndbönd við og við. En það verður seint sagt að þetta sé “iPad Killer”.
Hér má sjá umfjöllun frá The Verge:
Heimildir:
Amazon.com
Engadget
The Verge
