Taktu Android með þér á skíði – Oakley Skíðagleraugu

Nú fer skíðafærið að verða almennilegt í brekkum landsmanna og annað væri ekki við hæfi hjá okkur á simon.is en að finna til flottustu græjurnar til að taka með sér í brekkurnar. Oakley sem margir þekkja fyrir íþróttavörurnar sínar kynntu í dag til leiks Airwave skíðagleraugna línuna og má segja að hún sé tækniundur sem einungis Google Glasses nær að toppa. Oakley hannar þessi gleraugu með þrengri áherslur, en tæknin kemur frá Recon Instruments. Hér er útkoman og kostar hún $599 í Bandaríkjunum.

Það sem notendur gleraugnanna fá er notendaviðmót sem sést þegar gleraugun eru notuð, þar mun koma fram hraði, halli og jafnvel greining á hverskona stökkum og annað sem notandinn framkvæmir. Inni í gleraugunum sjálfum er skjár sem allar þessar upplýsingar koma fram í einföldu viðmóti. Einnig er hægt að fylgjast með vinum hvar þeir eru á fjallinu og einnig skipulagt leiðir sem á að fara. Textaskilaboð send í símann birtast á skjánumm, en hann virkar sem cirka 14″ skjár að stærð fyrir notandann.

Kíkið hérna til að sjá Rob Jackson frá Recon Instruments að fara yfir tæknina sem er notuð í þessum gleraugum.

Magnið af upplýsingum sem hver sem notar þessi gleraugu fær getur verið yfirgnæfandi, fyrir utan það sem var nefnt hér fyrr í greininni þá er líka hægt að bæta við hjartsláttamæli og öðrum mælitækum í gegnum blátönn til að safna sem mestum upplýsingum um upplifun notandans.

Fyrir utan alla tæknina sem tengir Android tæki þarna þá eru þessi gleraugu ein og sér flott. Hægt er að skipta um gler eftir aðstæðum, hægt er að velja tvo liti og eru rakafælandi efni notuð í framleiðslu umgjarðar og móðuvörn í gleri.

Það eina sem mér dettur í hug að vanti er innbyggð myndavél í gleraugun en ég hef fulla trú að það sé ekki langt undan.

http://www.youtube.com/watch?v=2-9UAJ4v_8M