Hjálpartæki ástarinnar: síminn þinn!

Hefur þú einhverntíman verið ástfanginn af stelpu? Hefur þú ekki vitað hvernig þú átt að koma tilfinningum þínum í orð? Átt þú erfitt með að finna réttu línurnar til þess að heilla þessa sérstöku dömu upp úr skónum? Ef svo er, leitaðu þá ekki lengra! Föstudagsapp vikunar er óneitanlega guðsgjöf til karlmanna, en það kallast Auto Romeo. 

Appið er hannað af sérfræðingum í þessum geira og verður enginn fyrir vonbrigðum með niðurstöðurnar. Það heldur utan um hvaða dömur maður er að spjalla við (og mun hjálpa þér við að komast í að halda utan um þær sjálfur) og aðstoðar þig við að velja réttu orðin hverju sinni. Það er ótrúlega auðvelt í notkun, það eina sem maður þarf að gera er að velja dömu úr símaskránni, fylla út spurningalista með helstu atriðum: nafn, hvar og hvenær þið hittust fyrst, hvenær hún á afmæli, hvernig augun og hárið hennar eru á litin, hvað besti kostur hennar er, lagið ykkar (ef þið eigið slíkt) og svo á hvaða stigi viðreynslan sé. Það eru þrjár tegundir af viðreynslu: warm, hot og steamy. Eftir þetta þarf einungis að smella á nafn dömunnar og appið sér svo um að heilla hana upp úr skónum.

Hægt er að smella á takka til þess að birta skilaboð af handahófi og þegar að rétta smsið er komið þarf eingöngu að smella á Flirt! og þá sendist smsið.

Einhleypir karlmenn með snjallsíma verða brátt sjaldséð sjón, en þó er galli á gjöf Njarðar, því maður verður að þykjast vera enskumælandi.
Sjáið niðurstöðurnar hér að neðan: