Nexpo hátíðin fær nýtt heimili
Nexpo verðlaunahátíðin verður haldin í fimmta skiptið í mars næstkomandi. Líkt og fyrri ár verður vef- og markaðsfólki gert hátt undir höfði en því til viðbótar verður sérstök áhersla á nýsköpun á Íslandi.
Tæknivefurinn Simon hefur tekið við hátíðinni af fyrirtækinu Silent og mun hann annast framkvæmdina í samstarfi við Kjarnann og Klak Innovit .
Davíð Lúther hjá Silent afhendir Atla Stefáni, ritstjóra Simon.is, Nexpo hátíðina
Verðlaun verða veitt í átta flokkum og bætast tveir nýir flokkar við í ár: sprotafyrirtæki ársins og besti markaðsárangur sprotafyrirtækis. Eins og áður verður vefhetjan á sínum stað ásamt vef og appi ársins.
Tilnefningar til Nexpo eru opnar öllum en eftir að tilnefningar hafa borist mun dómnefnd fara yfir valið og verður sigurvegari valinn í netkosningu. Atkvæði dómnefndar vega til helmings á móti netkosningu. Tekið verður á móti tilnefningum lok febrúar á vefsíðu Kjarnans kjarninn.is.
Verðlaun verða veitt í eftirfarandi flokkum:
- Vefhetjan
- App ársins
- Vefur ársins
- Herferð ársins
- Stafrænt markaðsstarf ársins
- Besta óhefðbundna auglýsing ársins
- Sprotafyrirtæki ársins
- Besti markaðsárangur sprotafyrirtækis
Hér má sjá myndband af verðlaunahátíðinni í fyrra.
Fylgdu Nexpo á Facebook eða Twitter.
Nánari upplýsingar veitir Atli Stefán sem er hér að tísta og hér í pósti: atli@simon.is
