OvuView – tíðahringurinn verður leikur einn !

OvuView er frábært Android-forrit fyrir þær konur sem vilja af einhverjum ástæðum fylgjast með tíðahringnum hjá sér. Ég segi af einhverjum ástæðum, einmitt vegna þess að ástæðurnar geta verið mjög ólíkar, sumar eru að reyna að verða ófrískar, aðrar vilja það alls ekki en eru ekki á neinum getnaðarvörnum og enn aðrar vilja einfaldlega fylgjast með tíðahringnum, svo eru náttúrulega þær sem hafa svosem ekkert betra að gera.

Þegar þú setur upp OvuView stillir þú það eftir þínum þörfum og markmiðum. Forritið getur m.a. haldið utan um hvernig blæðingum þú ert á, hitamælingar, hvenær þú stundar kynlíf og hvernig skapi þú ert í. Allar upplýsingar sem þú setur inn hjálpa forritinu að ákvarða hvenær þú ert frjó og hvenær næstu blæðingar eiga að hefjast. Forritið þarf ekki bara að nýtast til að hámarka/lágmarka líkur á getnaði, heldur getur það einnig reynst hentugt þegar verið er að plana rómantíska ferð með þínum heittelskaða eitthvað fram í tímann.

Karlmönnum, sem vilja fylgjast með því hvenær þeir mega fíflast í spúsum sínum án þess að eiga hættu á illum augnaráðum og hnefahöggum, er einnig ráðlagt að sækja þetta bráðsnjalla forrit.

Eðli málsins samkvæmt er nauðsynlegt að spila Enyu-lag þegar greinin er lesin:

http://www.youtube.com/watch?v=xfVJ11GXzXQ&feature=player_embedded

Gleðilegan föstudag !