Jólasveinaappið fyrir Windows 8.1 tölvur og Windows Phone-síma
Út er komin uppfærsla á Jólasveina-appinu fyrir Windows Phone en það leit fyrst dagsins ljós fyrir um ári síðan.
Uppfærslan felur m.a. það í sér að nú er hægt að setja appið upp á öllum Windows-tækjum sem keyra á útgáfu 8.1 eða nýrri. Það þýðir að appið virkar í Windows Phone 8.1-símum, Windows 8.1-spjaldtölvum, borðtölvum og fartölvum.
Það er forritunarfyrirtækið Spektra sem stendur að baki Jólasveina-appinu en að sögn Björns Inga Björnssonar hjá Spektra þá byggir núverandi útgáfa á appinu sem kom út í fyrra en að samnýting á kóðagrunni appsins er um 95% milli útgáfunnar fyrir símana og fyrir tölvurnar.
Jólasveina-appið er í grunninn upplýsingaapp um íslensku jólasveinana ásamt áminningarkerfi um það hvenær hver jólasveinn er væntanlegur. Appið er því mikilvæg áminning fyrir foreldra sem vilja fylgjast með ferðum jólasveinanna sem og sem upplýsingaveita fyrir börn sem vilja lesa sig til um jólasveinana en með hverjum jólasveini fylgja upplýsingar um sveininn sjálfan og einnig kvæði Jóhannes úr Kötlum um jólasveinana.
Appið er myndskreytt með myndum úr jólasveinabókinni sem útgáfufélagið Óðinsauga hefur gefið út.
Hægt er að nálgast appið á hlekkjunum hérna fyrir neðan:
Útgáfa fyrir Windows Phone-síma
Heimasíða Spektra – www.spektra.is
