Ný 12″ Macbook Air Retina væntanleg í þremur litum

Nú gengur orðrómur um að Apple muni á næstunni gefa út nýja Macbook Air fartölvu með 12″ Retina skjá. Fyrri Macbook tölvur hafa skartað annað hvort 11,6″ eða 13,3″ skjá en hin nýja tölva á að vera mun þynnri og léttari en fyrri tölvur.

3D listamaðurinn Martin Hajek teiknaði tölvuna upp eftir upplýsingum sem hafa lekið á undanförnum vikum. Það ber að hafa í huga að svona gæti tölvan litið út en það er óvíst þar sem þetta eru teikningar byggðar upplýsingum sem hafa lekið.

 

Líklega munu tölvurnar koma í þremur litum eins og iOS tæki Apple: Space Grey/Black, Gold og Silver.

 

 

Talið er að upplausnin á skjánum verði 2304×1440, örgjörvinn verði Broadwell Core M og aðeins eitt USB tengi verði á vélinni sem verði notað til að setja hana í hleðslu við rafmagn. Ef eitthvað er að marka fréttir af þessum leka mun tölvan koma út um mitt ár 2015.

Heimildir:
Martin Hajek
MacRumors