Stjörnur.is – Nýtt íslenskt snjallsíma-app

Margir kannast við vefinn stjörnur.is, sem gengur í stuttu máli út á að gefa sölu og þjónustuaðilum einkunn fyrir frammistöðu sína. Vefurinn er hluti af Já upplýsingaveitum.

Nú hafa umsjónarmenn vefjarinns stigið skrefinu lengra og gefið út snjallsíma-app fyrir vefinn. Appið er bæði hægt að fá fyrir Android og iOS tæki.

Appið virkar þannig að það notast við GPS staðsetningu notandans og byggir jafnframt á gagnagrunni já.is. Með appinu má á einfaldan hátt finna þá þjónustuaðila sem mann vantar að finna, hvort sem það er bensínstöð, apótek, fiskbúð eða krá.  Ekki einungis notar maður appið til að finna þjónustuaðila heldur geta notendur gefið þeim einkunn sem aðrir notendur sjá. Ef maturinn er vondur, þjónustan léleg eða ef maturinn er frábær og þjónustan góð, þá er tilvalið að benda öðrum á það.

Þar sem appið er glænýtt höfum við hjá Simon.is ekki haft tök á að prufa það almennilega. Appið byggir á risastórum gagnagrunni Já.is og er að mínu mati eitthvað sem getur nýst manni mjög vel, ef rétt er að þessu staðið. Uppsetningin á appinu lítur vel út og það er hraðvirkt, þ.e. fljótt að finna þjónustuaðilana  í kring. Þá er hægt að þrengja leitina eftir vegalengdum og sjá niðurstöðurnar á korti.

Við munum segja ykkur betur frá appinu á allra næstu dögum, þegar við höfum prufað það nánar. Þið megið líka endilega segja hvað ykkur finnst.

Stjörnur.is vefurinn.

Sækja iPhone / iPad útgáfu (Útgáfan hentar fyrir alla síma nýrri en iPhone 3Gs)

 

 (2.2 og yfir)

3 replies

Trackbacks & Pingbacks

  1. […] vegna sá Já sér hag í að gefa einnig út nýtt app. Já hafa nú þegar gefið út tvö öpp; Stjörnur.is og hið mjög þægilega Já í símann. Nýja appið þeirra er mjög einfalt: með því er hægt […]

  2. […] Stjörnur.is vefurinn frá Já hefur gefið út app fyrir Android. [Skoða nánar á Simon.is]. […]

  3. […] Stjörnur.is vefurinn frá Já hefur gefið út app fyrir Android. [Skoða nánar á Simon.is]. […]

Comments are closed.