Samsung skjóta fast á Apple í nýjum auglýsingum

Þó svo að Apple hafi haft sigur úr býtum gegn Samsung í dómssal hafa herbúðir suður-kóreska tæknirisans ekki lagt vopnin til hliðar.

Í nýjustu auglýsingum sínum skjóta Samsung menn hart á Apple og spara ekkert stóru orðin. Þeir segja að það þurfi engan snilling til þess að sjá hvor síminn er betri og segja svo að „næsti stóri hluturinn sé kominn“, sem er beint skot á einkunnarorð iPhone sem eru: „The next big thing“. Auglýsingin er að sjálfsögðu mjög óhlutdræg og telur upp um það bil allt það sem er einkennandi við Galaxy S3. Á meðan er Apple listinn mjög stuttur og stendur m.a. „Með allt öðru tengi“, sem er vísun í breytinguna úr 30 pinna tengi í 8 pinna tengi á iPhone 5. Sitt sýnist hverjum um hvor síminn er betri, en það verður af fróðlegt að fylgjast með hvernig Apple menn svara þessari auglýsingu.

Heimild: cnet.com