Minecraft Pocket Edition kemur á alla Android síma

Útgáfa af leiknum Minecraft hefur lengi verið í bígerð fyrir Android. Fyrsta útgáfan af honum kom út í sumar, en þó eingöngu á Sony Xperia Play símann. Biðin er núna loks á enda því ný útgáfa kemur út á morgun, fimmtudaginn 29. september. Í nýju útgáfunni eiga touch símar að geta spila leikinn og verður því hægt að eyða öllum sínum frítíma og batteríi í að byggja hluti. Miðað við myndband sem útgefendur leiksins gáfu út virðist snerti útgáfan af leiknum vera frekar vel heppnuð, en þó virðast flestir vera sammála um að það verði betra að spila leikinn á Xperia Play. Puttarnir á manni virðast þvælast fyrir og ég hugsa að maður verði of lengi að byggja hluti til þess að nenna að gera eitthvað almennilegt. Það verður þó spennandi að sjá hvernig þetta fer, eins og stendur er Minecraft Pocket Edition í Alpha útgáfu og mun leikurinn því breytast mikið í framtíðinni.

Hægt er að nálgast leikinn á Android Market og kostar full útgafa af leiknum $6.99, einnig er hægt að fá prufu útgáfu af honum, en í henni er ekki hægt að vista borð, afrita af PC útgáfunni og eru bara 18 af 36 kubbum í boði. Leikurinn mun koma út á iOs segja framleiðendur, en það er óvíst hvenær það mun gerast.

1 reply

Trackbacks & Pingbacks

  1. […] Minecraft – Byggingarleikurinn sem margir þekkja. Opinn heimur fullur af byggingarefni og skrímslum og það eina sem getur stoppað að hugmyndir þínar taki á sig mynd eru léleg stjórntæki og leiðinda sprengju-skrímsli. Við mælum með að spila þennan leik frekar á pöddu en ætti þó að virka fínt á 4″ skjá. Framleiðendur leiksins hjá Mohjang hafa þó stór plön með þennan leik á snjallsímum. (Hægt er að nálgast leikinn á Android, iPhone og Windowsphone) […]

Comments are closed.