Verð á gagnaáskriftum – uppfært í október 2011

Þegar maður er farinn að nota þessa snjallsíma af einhverju viti þá er óhjákvæmilegt að skoða aðeins gagnapakkana sem símafyrirtækin bjóða uppá.  Við tókum saman verð á þessum pökkum hjá íslensku fjarskiptafyrirtækjunum og eins og sést í töflunni að neðan er verðmunurinn ótrúlega lítill.  Í raun það lítill að þetta kemur ekki til með að skipta máli ef verið er að ákveða við hvaða fyrirtæki skipta skuli við.

Til gamans voru líka skoðuð verð hjá ýmsum erlendum fjarskiptafyrirtækjum og kemur þá í ljós að verðin eru frábær hérna á klakanum.  Gagnamagnspakkarnir eru þó ótrúlega misjafnir og mjög algengt að gagnamagnið sé innifalið í heildarverði áskrifta sem gerir samanburð ómögulegan. Hér fyrir neðan er tafla sem sýnir verð hjá fyrirtækjum í Evrópu og í Bandaríkjunum. Þess ber að geta að öll verð í þessari grein eru verð á gagnamagni í síma. Ef tekin væru fyrir verð á gagnamagni í 3G netlykla yrðu verðin önnur.

Almennt telur fólk það vera mjög dýrt að nota símann sinn til að vafra á netinu, en það er það alls ekki a.m.k. ekki hér á klakanum svo við getum farið að leiðrétta þennan misskilning.

Þá er nauðsynlegt að setja varnagla á að þó það sé ódýrt að vera á netinu í símanum hérna heima, þá kostar það handlegg að nota netið í símann á ferðalögum erlendis!

Ef það hefur farið fram hjá einhverjum, þá er gott að minnast á sérstakar farsímaútgáfur af vefsíðum sem standa stundum til boða.  Þessar síður eru töluvert minni að stærð (minna niðurhal) og passa líklega mun betur á skjáinn á símanum.

Tökum sem dæmi heimasíður ríkisútvarpsins og vísi þegar þessi grein er skrifuð:

http://ruv.is er 37kB (kílóbæti) en sé farið á http://m.ruv.is þá er stærðin um 18kB eða helmingi minni.

http://visir.is er 251kB en http://m3.visir.is er 29kB, um 10% af stærð vísis.

 

Uppfært 24.10.2011:  Engin breyting hefur verið gerð á verði gagnamagns hjá öllum fyrirtækjunum sem eru tekin fyrir í þessari grein. Gengin hafa breyst mjög lítillega og taka verðin í neðri töflunni mið af því.

Uppfært 12.9.2011:  Farið var yfir öll verð en þau höfðu ekki breyst síðan í Ágúst. Gengið hefur sveiflast lítillega og voru því verðin á erlendu áskriftunum endurreiknuð.

Uppfært 21.8.2011:  Í efstu töflunni var upptalið gagnamagn sem viðskiptavinir Nova fá gegn því að vera í áskrift. Hin fjarskiptafyrirtækin veita líka frítt gagnamagn í ákveðnum áskriftarleiðum/pökkum og því var það tekið út.

 

Heimildir:

http://www.vodafone.is/

http://siminn.is/

http://www.nova.is/

http://tal.is/

http://www.att.com/

http://www.verizonwireless.com/

http://www.telenor.dk/

http://vodafone.es/

http://telia.se/