Google Wallet formlega kynnt til sögunnar

Það hefur verið vitað í þó nokkurn tíma að Google hyggðist kynna möguleikann á að greiða fyrir vörur og þjónustu með Google Wallet. Það sem er spennandi við þetta er að lengi hefur verið rætt um þá þróun að hægt væri að borga fyrir þjónustur með því að nota síman þinn í stað korta. Ýmsar lausnir hafa litið dagsins ljós en engar hafa verið taldar praktískar né hafa fengið eitthverja dreifingu. Þessi lausn frá Google er í samstarfi við Mastercard til að byrja með en ætlunin er að bæta fleiri kortafyrirtækjum við fljótlega. Þessa aðferð er eingöngu hægt að nota með símum sem hafa NFC tækni (Near Field Communication). NFC er þráðlaus samskiptatækni sem er ekki að finna í öllum helstu símum í dag en er ráðgert að verði fljótlega staðlaður aukabúnaður í öllum helstu símum. Tæknin virkar þannig að það nægir að taka upp símann og láta hann upp við sérgerðan posa og slá inn pin númer til að staðfesta greiðsluna.