Android Jelly Bean (4.1) nálgast

Hlini 22. júní 2012

Nú er staðfest að næsta útgáfa af Android (4.1) uppfærslu fær vinnuheitið Jellybean og mun koma uppsett á Samsung Galaxy Nexus. Síminn er seldur beint í gegnum Google Play vefverslunina en upplýsingar um símann voru nýlega uppfærðar og þá var staðfest að nýjasta útgáfan af Android væri væntanleg.

Þetta þýðir að Galaxy Nexus mun fara úr útgáfu 4.0.4 í útgáfu 4.1 á næstunni og líkast til mun það vera kynnt á I/O ráðstefnu Google sem haldin verður í næstu viku. Þetta þýðir að 4.1 er að nálgast almenna útgáfu og aðrir framleiðendur munu þá koma 4.1 út fyrir sína síma.

Hægt er að sjá nýtt sjálfgefið veggfóður á þessari mynd og að Google leitarstikan hefur tekið eitthverjum breytingum. Meiri fréttir af þessari uppfærslu munu koma inn á næstunni.