iPhone stækkar á þér brjóstin!

Hefur þú velt því fyrir þér að fara í brjóstaaðgerð? Langar þig að sjá hvernig þau myndu líta út eftir aðgerðina?

iAugment er app fyrir iPhone notendur sem einblínir á konur sem stefna á brjóstaðgerð eða þær sem vilja svala forvitninni og sjá brjóstin á sér í nýju ljósi.  Appið sýnir hvernig viðkomandi myndi líta út eftir slíka aðgerð og gæti því vel aðstoðað konur við að taka þá ákvörðun að breyta eigin líkama. Bandarískur lýtalæknir fékk hugmyndina og kom henni á laggirnar í samstarfi við Apple.

Það sem eina sem þarf að gera er að nota mynd úr símanum eða taka nýja með myndavélinni og stilla af fleti í samræmi við staðsetningu brjósta á myndinni.  Appið kemur þá upp með valmöguleika sem sýnir brjóstapúðastærðir og eru sautján stærðir í boði, forritið sér um afganginn og sýnir útkomuna.

Til að fá bestu útkomuna er best að nota myndir sem teknar eru í brjóstarhaldara eða í bikiníi.  Einnig má benda á að appið getur sýnt ójafna útkomu ef að staðsetning brjósta er röng.

Appið hefur slegið í gegn eftir að það kom út hjá App store og er það frítt í þokkabót.  iAugment höfðar bæði til karla og kvenna, hvort sem þú ert forvitin um útkomuna á þér sjálfri eða vilt dreyminn stækka brjóstin á kærustunni þinni. Þá getur forritið líka kitlað hláturtaugarnar.

Sjón er sögu ríkari!