Death Worm

 

Hver man ekki eftir Tremors myndunum þar sem hópur fólks forðaði sér undan risa sandormum sem réðust á allt sem hreyfðist á jörðinni? Þetta er snilldar leikur sem styttir alla bið meðan farið er í hlutverk ormsins og reynt að valda eins miklum skaða á fólki, dýrum og tækjum sem ferðast um jörðina. Sem og þyrlum og flugvélum sem ferðast um óvitandi af þeirri hættu sem býr undir jarðskorpunni. Ormurinn er með keim af hlutverkaleikjum þar sem þú færð ákveðin verkefni sem þú þarft að leysa sem ormurinn. Í flestum tilfellum innihalda verkefnin einhverskonar útdeilingu skaða og tjóns sem er ekki verra.

Leikurinn býður upp á nokkra „heima“ til að rústa og er hann mikið fjör í fyrstu en með tímanum verður hann frekar einhæfur. Það er þó gaman að detta í hann af og til og reyna að rústa sem mestu, þar til önnur verkefni kalla.